Kampioni i Spanjës dhe Evropës ka kaluar në çerekfinale të Kupës së Mbretit.

Real Madridi ka mposhtur me rezultat të përgjithshëm 5 me 2 skuadrën Numancia në ndeshjet e zhvilluara në kuadër të 1/8-së në Kupë të Mbretit, shkruan portali arbresh.info.

Pas fitores 3 me 0 në ndeshjen si mysafirë, gjiganti madrilen ka barazuar me rezultat 2 me 2 mbrëmjen e sotme (e mërkurë) kundër skuadrës së divizionit të dytë spanjoll që shpresonte për mrekulli në Santiago Bernabeu.

Goli i epërsisë erdhi në minutën e 10′ të ndeshjes kur Lucas Vazquez realizoi me kokë për 1 me 0 pas asistimit të bukur nga krahu i djathtë që erdhi nga Dani Carvajal. Por, skuadra e Jagoba Arrastes arriti të barazonte shifrat në minutat shtesë të pjesës së parë.

https://twitter.com/realmadriden/status/951210647626412033

Guillermo realizoi për 1 me 1 vetëm pesë minuta pas inkuadrimit në fushë. Goli erdhi pas një kundërsulmuesi të shpejtë dhe asitues ishte Marc Mateu (46’).

Djelmoshat e Zinedine Zidanes, i cili kishte pushuar për këtë ndeshje yjet si Ronaldo, Benzema, Bale, Marcelo dhe Toni Kroos, arritën të realizojnë sërish në portën e portierit Munir që u ndëshkua përsëri nga Lucas Vazquez.

Anësori realizoi gol të bukur nga afërsi pas asistimit me kokë nga Borja Mayrol në minutën e 59′ të ndeshjes.

Sidoqoftë, Guillermo befasoi edhe një herë portierin Kiko Casilla duke shënuar me kokë (82’) për 2 me 2, rezultat që nuk i shkaktonte gjithsesi ndonjë problem ‘Los Blancos’./arbresh.info/

Shikoni të gjitha golat e realizuara: